تعالي ليـّۓ يابطه
فى نظرة تحليلية لكلمات أغنية تعاليلى يا بطة...أكتشفت أن لها عمق أجتماعى لا يستهان به
فهى تلخص بعمق عميق وعبقرية شديدة المراحل التطورية للعلاقات الزوجية من أول مرحلة ما قبل الخطوبة وحتي بعد الزواج بشوية سنيين كده ..
تعاليلى يا بطة .. مرحلة الاستدراج و الكلام المعسول ..والهبلة طبعا علشان هى هبلة بتصدق .
وشيليلى الشنطة ....كان علي البطة ان تدرك انه استغلالى و كسول و متواكل ومش عاوزها غير علشان تشيل هى الشنطة ..
دى الشنطة خفيفة .. استهانة بجهودها بعد ما اخدت علي عاتقها شيل الشنطة ... بقت دلوقتى الشنطة خفيفة !!
طب لما هى خفيفة مشلتهاش انت ليه ؟؟ 😜😜
😵😵 مفيهاش تعريفة .. وهنا تكتشف البطة ان كل اللى عملتوا كان على الفاضى و والافندى بتاعها مفلس و فلسان تفليسة مش على حد
أغانى التراث دى فعلا تاخد منها العبر والحكم 🤚🤚🤚
تعليقات
إرسال تعليق